Styles: English, Odia, Translated.
Click here to listen.

ଧର୍ମ ର ରଜ୍ଜୁ ରେ, ଭକ୍ତି ଫୁଲ ଗୁନ୍ଥି,

କରିଥିଲି ଏକ ହାର,

ତୁମ ଗଳେ ହର, ଲମ୍ବାଇବା ଲାଗି,

ଟେକିଦେଲି ଦୁଇ କର। … (୧)

---

କେଉଁ ଦିଗେ ଅଛ, କେଉଁ ଦିଗେ ନାହଁ,

ଖୋଜି ପାରିଲିନି କାହିଁ,

ଏତେ ଦେବାଳୟ, ଦଣ୍ଡାୟମାନ ଯେ,

କେଣେ ରହିଛ ଗୋସାଇଁ। … (୨)

---

କେଉଁ ଶବ୍ଦରେ ମୁଁ, ତୋରେ ଡାକିବି ହେ,

କୁହ ହେ ଭୂଜଂଗଧର,

କି ସାଧନା ମୋତେ, କରିବା ବିଧେୟ,

ଅଥବା ତେଜିବି ଘର। … (୩)

---

ସଂସାର ଦେଇଛ, ରହିଛି ସେଇଠି,

ମୋହ ପଙ୍କ ମୁଖେ ବୋଳି,

ସେଥି ପାଇଁ ତୁମ, କରୁଣା ବରଫ,

ପଡ଼ିଗଲା କି ତରଳି। … (୪)

---

ଦୂରେଇ ଯାଆ ନି, ଖୋଜି ନ ପାରିବି,

ଭୁଲ୍ ଭୁଲେୟାରୁ ତୋତେ,

କଣ୍ଟା ଫୋଡିହୋଇ, ଝୁଣ୍ଟି ପଡୁଥାଇ,

ଯନ୍ତ୍ରଣା ହେଉଛି ମୋତେ। … (୫)

---

ବତାସ ଆସିଲେ, ବାଇକି ଡର ଇ,

ବସି ଥାଇ ବସା ଡାଳେ,

ମୁଁ ଅଜ୍ଞାନ ଜନ ଚକିତ, ମାେ ପ୍ରାଣ,

ଖୋଜଇ ତୋ ବାହୁ ତଳ। … (୬)

---

ଖୋଜୁଛି ବୋଲି ମୁଁ, ତୁ ଦେଖା ଦେଉନୁ,

ନ ଖୋଜିବା ଭାଗ୍ୟେ ନାହିଁ,

ଦହଲେ ବିକଳେ, ତୋ ପଙ୍କଜ ତଳେ,

ମିନତୀ କରଇ ମୁଁହି। … (୭)

---

• Poem by ସ୍ନିଗ୍ଧା ରାଣୀ ସାହୁ
• Photo by Quang Nguyen Vinh from Pexels