Styles: English, Odia, Translated.
Click here to listen.
ଜୟ ମା ଶିବାନୀ, ତୋ ପଦେ ପ୍ରଣତୀ,
ଜଣାଉ ଭକ୍ତ ସମାଜେ,
ତୁହି କାତ୍ୟାୟନୀ, ତୁହି କାପାଳିନି,
ପ୍ରଣାମ ପଦ ପାଙ୍କଜେ। … (୧)
ତୁହି ମା ଶାରଳା, ତୁହି ମା ବିମଳା,
ମଙ୍ଗଳା ମାଆ ତାରିଣୀ,
ଜୟ ମା ବିରଜା, କାଳୀ କରାଲିଲୋ,
ନମୁ ତ୍ରିଶୂଳ ଧାରିଣୀ। … (୨)
କେତେ ରୂପ ତୋର, କିଏ ବା ଜାଣିଛି,
ବର୍ଣ୍ଣନା ଅତୀତ ତୁଲୋ,
ମାତା କମଳିନୀ, ଶ୍ରୀକ୍ଷେତ୍ର ବାସିନୀ,
ଶୁଣୁ ଭକତ ଙ୍କ ବୋଲ। … (୩)
ଦୟ।ବତୀ ମାଲୋ, ଦୟାର ଝରଣା,
ତୋ ପଦରୁ ଝରୁଥାଉ,
ସେ ପୀୟୂଷ ଜଳ, ସେବି ଭକ୍ତ ଜନ,
ଜୀବନ ଧନ୍ୟ ତା ହେଉ। … (୪)
ଅତୀତ ଆଗତ, ଜଣା ତୋ ଅଗ୍ରତ,
ପାପ ନଶିନୀ ଲୋ ମୋର,
ଦୁର୍ଭାଗ୍ୟ ବାଦଲ, ହଟାଇ ଦେ ମାଆ,
ମିନତୀ ତୋ ଶ୍ରୀପୟର। … (୫)
କିଏ କେତେ ନେଲେ, କିଏ କେତେ ଦେଲେ,
ସେଥିରେ ଶ୍ରଦ୍ଧା ତୋ ନାହିଁ,
ଯାହା ତୁ ଖୋଜୁମା, ମାେ ପାଖେ କି ନାହିଁ,
ଦୟା କରି ଦେଏ କହି। … (୬)
ଫୁଲେ ଫଳେ ରସେ, ନ ଥାଏ କି ଶ୍ରଦ୍ଧା,
କଲେ କେତେ ଉପବାସ,
କେଉଁ ପୂଜାରେ ତୁ, ପ୍ରସନ୍ନ ହେଉ ମା,
କିପରି ହେବୁ ହରଷ। … (୭)
କେତେ ଦିନ ମାଗୋ, ନୀରବ ରହିବୁ,
କରିଛୁକି ମୌନ ବ୍ରତ,
ଅଧାରୁ ଅଧିକ, ବିତିଯାଇଛି ମାଆ,
ମାେରି ଜୀବନ ପଥ। … (୮)
ଅଳ୍ପ ବାଟେ ଆଉ, ଦେଖା କି ପାଇବି,
ଭରସା କରିକି ତୋତେ,
କିପରି ତୋହର, ରୂପ ମ।ଧୁରିମା,
ଆଙ୍କିବୁ ମୋରି ଅଗ୍ରତେ। … (୯)
ପଥ ସିନା ଯାଏ, ହୁଡିଲୋ ଜନନୀ,
ଆଶା ତ ଜଳୁଛି ଏବେ,
ଜୀବ ଥିବା ଯାଏଁ, ସେ ପ୍ରଦୀପ ଜଳୁ,
ଏତିକି ମିନତୀ ତୋତେ,
କରେ ପ୍ରଣତୀ ଅଗ୍ରତେ। … (୧୦)
- Poem by ସ୍ନିଗ୍ଧା ରାଣୀ ସାହୁ
- Photo by Quang Nguyen Vinh from Pexels